Նորարարական բիզնես ճամբար

Ժամ առ ժամ կատարելագործվող, նորացվող բիզնես միջավայր մուտք գործելու և այնտեղ հուսալի գործունեություն իրականացնելու համար գործարարությամբ զբաղվելու կարողություններից բացի անփոխարինելի նշանակություն ունեն նորարար բիզնես գաղափարները: Նորարար գաղափարներ իրականում երիտասարդների մոտ առաջանում են, խնդիրը գաղափարը բարձրաձայնելը, իրականացնելու մեխանիզմներ մշակելը, մեթոդներ գտնելն է: Վերոնշյալի կարևորությունը գիտակցելով՝ ՛՛Կոմպասս գիտահետազոտական, խորհրդատվական, կրթական կենտրոն՛՛ ՀԿ-ի Innovative Business Development Club-ը /այսուհետ՝ IBDC/ նախաձեռնեց Innovative Business Camp ծրագիրը: Ծրագրի նպատակն է բացահայտել երիտասարդների ստեղծարար ներուժը, նրանց մոտ զարգացնել ստեղծարար մտածելու ունակությունները , նպաստել նորարար բիզնես գաղափարները կյանքի կոչելու համար գործնական քայլերի իրականացմանը: Ծրագրային թիմն իր առաջ դրել է հետևյալ խնդիրները.
• Երիտասրդների մոտ նորարական բիզնեսով զբաղվելու շահագրգռվածության մեծացում:
• Երիտասարդներին՝ նորարական բիզնես ուղղությունների վերաբերյալ իրազեկվածություն:
• Երիտասրդների ստեղծարար ներուժի բացահայտում:
• Ստեղծարար մտքերի օգտագործումը բիզնես գաղափարների ձևավորման գործում:
• Նորարական գաղափարների ներդրում բիզնես ոլորտում:
• Նորարար բիզնես գաղափարները կյանքի կոչելու համար անհրաժեշտ գործնական գիտելիքների փոխանցում մանակիցներին:
Ծրագրի թիրախ խումբ են հանդիսանում Շիրակի մարզի 17-25 տարեկան 24 մասնակից երիտասարդները: Շահառուներ են հանդիսանում Շիրակի մարզի բնակիչները, ովքեր իրենց վրա կզգան ծրագրի արդյունավետությունը, քանի որ ծրագրի իրականացման հեռահար արդյունքներից է Շիրակի մարզի սոցիալական կարգավիճակի բարելավումը, երիտասարդության շրջանակում զբաղվածության մակարդակի բարձրացումը: Ծրագրի շահառուներ են հանդիսանում նաև պոտենցյալ ներդրողները, ովքեր կարող են իրենց միջոցները ներդնել նորարար գաղափարների իրականացման մեջ: Ծրագրի տևողությունը 1 ամիս է: Կիրականացվի 3 փուլով՝ նախապատրաստական աշխատանք /20 օր/, ճամբար /4 օր/, ամփոփում, ֆիդբեք /6 օր/։
Ծրագրի արդյունքում կունենանք կոփված ստեղծարար մտածելակերպ ունեցող երիտասարդներ, ովքեր կունենան պոտենցյալը նորարար բիզնես սկսելու և/կամ ներդնելու իրենց նորարարական բիզնես գաղափարները արդեն իսկ գործող բիզնեսներում՝ հնարավորություն տալով վերջիններից առաջ գնալ շուկայում և բարենպաստ մրցակցային դիրք զբաղեցնել:
Ծրագրի շարունակականությունը կապահովվի հետագայում IBDC-ում ճամբարի մասնակիցների ներգրավմամբ, ակումբի անդամները և փորձագետները պատրաստակամ կլինեն աջակցել նրանց հետագա գործունեության ընթացքում: Ճամբարի իրականացումը հանդիսանում է IBDC-ի գործունեության առաջին ընդգրկուն քայլը: Ճամբարի արդյունքները ուղղակի ազդեցություն կունենան IBDC-ի հետագա գործունեության վրա: